《鬼叫我女友係左手(2)》小薯仔 著
《鬼叫我女友係左手(2)》小薯仔 著
就係我跨左一隻腳出窗口嘅時候，穎淘突然現身，用左手拉住我。
「Hey,你搞乜要自殺呀咁癲呀～」穎淘一面無奈咁講。
「我想見你囉～」我傻傻地回答。
「自殺死會受罰架柒頭。你要係咁重跳直到你陽壽完嗰日。」佢煞有介事地說。
「就算會受罰，我都想同你一齊生活落去。」我學韓劇嘅男主角咁講。
「頂，你係咁重跳受罰我哋又點一齊呀？」佢語帶不滿。
「點解冇可能?愛情係無界限架！」我將係網上睇到嘅「金句」一字不漏咁講出嚟。
「你睇太多港女語錄定太多抖音呀?咁樣點會有可能架?」佢勃然大怒。
「我明嘅，係我FF多咗。我呢啲廢青係應該一世廢落去，爛屎係唔應該向上爬。」被人鬧到一面屁嘅我愈講愈細聲，啱啱先鼓起嘅勇氣又洩咗。
「又唔好咁諗啦，不如你諗下你嘅世界仲有咩係值得你做嘅，例如你平時得閒會做啲咩？或者你嘅興趣係咩？」穎淘見到我頭耷耷，顯然有啲唔好意思。
「我點會有呀，我廢青嚟架！」我反了一個白眼，擰轉頭，故作生氣咁大聲講。
「屌！」佢用左手一巴車落我塊臉。女人果然好難捉摸，嗰頭仲安慰緊你，呢頭突然發火，睇嚟拍拖真係唔岩我呢啲毒撚。
「無可能無，你咁大個總有少少成就，總有少少興趣。你同我即刻諗！」佢叉起條腰，對我怒目相向。
我呆咗一呆，沉思咗一陣之後望住牆角嗰一疊岩岩亞媽幫我揼嘅紙。
「都有嘅....咪...」當我轉身同佢講嘅時候，從眼角嘅餘影見到淘縱身由窗口跳咗出去。
我望住佢跳嘅位置，諗咗一陣，眼光變得十分深邃。哦～我明啦。
說時遲，那時快。一個消防員從上而下跌落嚟仲踢咗返我樓梯。同時，另一隊人亦衝過嚟㩒我落地。
「先生，冷靜啲，我地係嚟幫你嘅！」一眾消防員不斷重覆呢一句。
「OK，我明白啦，得啦！」我好沒氣地說。
原來對面樓嘅人見到我一個人坐係窗邊自言自語，以為我要跳樓，驚影響呢區樓價，所以嚇到即刻報警。世界真係瘋狂......
*******
「劉生，探病時間到啦！」護士係醫院嘅common area同老竇講。
「俾我坐多陣啦，車費好貴架。」老竇好唔情願。
「老竇，得啦，我唔會自殺㗎。嗰日我只喺係窗邊同fd傾電話咋，係啲業主係都要報警話我要自殺。」我求其搵個藉口安慰下佢。
「陰公囉，就係佢啦，冇女啫，唔洗自殺架，唉～ 」坐係對面啲八婆陰陰嘴笑。
「咁又唔係，三十歲人女朋友都無個，俾著我都跳樓啦。」
有幾個三姑六婆行過嗰時又係度笑。
「點解佢地會知架？」我o晒嘴，激動地捉住老竇衣領問。
老竇尷尬地把頭別去，遞左部電話俾我睇。
「唉，我無眼睇。」佢臉有難色，一字一頓地說。
「聖誕節無女友陪感困擾疑，毒撚後樓梯企跳一小時後獲救！」新聞上嘅標題重重咁打入我嘅腦，腦海頓時嗡嗡作響。
我深深地呼左一口氣。真係極度無奈，點解啲人可以寫得出咁尖酸刻薄嘅嘢？我得罪左佢地？真係癡線，咩都唔知就亂寫，不如去寫小說啦！
打發左老竇返屋企之後，我拖住內外皆疲憊嘅身體返房休息。
突然，一個勁似穎淘嘅女仔行過，我傻更更咁跟住佢行到小花園嗰度。
「先生，我哋識嘅？做咩眼金金咁望住我?」佢皺眉眉頭，狐疑地問。
就算嗰個係夢,我都繼續落去。
夢裡不知身是客,一响貪歡
「先生做咩係咁跟住我?我地識嘅？」
「無嘢啦，對唔住。我認錯人。」我塊臉好似飲左酒咁紅，仲講咗個超hea嘅藉口。
「你睇落好臉善喎，我地以前見過?」佢語出驚人。
「吓。」我一時間俾唔到反應。
「唔好意思，我自小身體就好差,成日住院。之前偷偷地出左去玩,結果暈左好耐。成日都分唔清夢境同現實。你叫Jimmy?」佢瞄左瞄花園中間嘅野餐檯，示意我哋全低傾。
「係呀。」真係莫名其妙，佢點知嘅？
「真係架?我叫Louisa，你好。」佢頓時心花怒放，嬌笑左一下。
「見你六神無主咁，不如我哋慢慢傾下?」佢話峰一轉。
於是我就將我同穎淘嘅事一五一十咁話晒比佢知。
「唔.......唔知你有冇聽過一句：『夢裡不知身是客，一晌貪歡。』」Louisa講嘢有抑揚頓挫，好似中文老師咁。
「我冇咩讀過書，唔識。」我苦笑。
「你嗰兩日嘅生活好似夢境咁，而你亦生活得好開心。」Louisa柔聲道。
「啱呀～」我對於有人明白我實在大喜過望。
「不過就算嗰段日子過得好開心，你都唔應該留係呢個夢境，我哋做人唔單止要勇敢跳出夢境，更加要有面對現實嘅勇氣。只有同人相處，你先會有友情，愛情同埋家人。呢啲嘢會令你愈來愈強。唔好收埋自己，出去識多啲人，做多啲自己鐘意做嘅事啦！趁有青春嘅時侯就去闖下，反正you have nothing to lose.Right？」Louisa突然語鋒一轉。
「嘩，好L深奧，俾啲時間我消化下先。」我揮手示意佢俾我思考下先。
「緣由呢啲嘢真係好神奇，常言道：『有緣千里能相識，無緣對面不相逢。』可能你哋真係有緣無份啦~」佢繼續拋書包，講一啲我聽唔明嘅古文。
「Louisa ，啱啱好返唔好就圍走，快啲過返嚟呢邊。」黑衫男突然係遠處出現。
「哎呀，呢啲又金毛，又黑，又矮又講晒粗口嘅唔係好人嚟㗎，以後唔準同呢啲人做朋友呀！」白衫男指住我，語帶鄙視咁講。
兩個管家樣嘅人行過嚟。
「Jimmy，我走先啦！拜拜。」Louisa對我回眸一笑。
「哦，拜拜。」我皺晒眉頭，繼續坐度發呆，思考佢講嘅嘢。
「兩位大哥，真係唔該晒你地呀～我OK啦！」Louisa搓一搓塊臉，個樣就變返做穎淘。
「現實嘅世界好殘酷，所以我想陪佢耐一啲，陪佢走過呢個人生低谷，偏偏呢個時候我就要去投胎，希望佢可以捱過呢個難關啦～」穎淘臉上盡是幸福嘅氣息。
兩位管家轉個身就變返做黑白無常。
「你喺陳小姐?你信道教㗎嘛?」黑無常一面不爽。
「喺呀，做咩呀！」穎淘傻更更咁答。
「哇屌，你咁Q多耶穌我仲以為我哋搶左人地生意tim，仲諗住搵返個天使嚟接你。」黑無常嬲嬲地咁講。
「哈！」穎淘無奈咁反白眼。
「行啦，望。」黑無常催佢行快啲。
「得啦，煩。」穎淘有啲唔耐煩。
「你估我哋想煩你架？你知唔知香港一日差唔多有126人死架~我哋好忙架。仲要我地東奔西跑，仲要做埋場膠戲，做鬼做到你咁，你好唔好意思呀？」黑無常愈講愈激動。
「喂~係，聯合醫院三個，天水圍一個，藍田四個，係係係，咩呀？北角嘅要著天使裝？妖，基督教嘅搵返耶穌啦，我哋唔可以撈過界架。」白無常嘅手機未停過，一直係度覆Call。
「唔知呀，我淨係知香港每日有150個新....」穎淘細細聲咁講。
「收嗲啦！再咁多嗲你就真係連地府都唔洗去。」黑無常喝道。
「好彩佢喝住你咋，如果唔係分分鐘我哋過多幾日連小薯仔都要接埋落嚟。」白無常終於傾完電話。
「超~我話每日有150個新生嬰兒呀～又唔係新移民湧港，你驚咩呀！死咗都咁驚死，廢嘅！」穎淘不甘示弱，提高聲量大聲講。
「拿拿拿，我咩都聽唔到!!!」黑無常即刻用手掩住耳仔。
「頂你，再講我們唔洗去奈何橋啦」白無常怒氣沖沖。
「吓，點解呀！」穎淘有啲錯愕。
「俾人捉晒去羅湖橋啦！傻婆！」白無常惶恐地說。
「嘩，原來地府都有洗頭艇，驚驚！」穎淘瞠目結舌。
佢地一行三鬼一路行一路罵交，嘈到落地府。
自從嗰件事之後我就比以前更毒，呢半年嚟宅係屋企打下機，睇下戲咁。老豆老母仲鬧我係紈絝子弟，不過算啦，橫掂我一直都俾人當係廢青，唔差在做埋廢中同廢老囉~樂觀啲諗，雖則我對社會無乜貢獻，但亦無咩破壞，都唔算壞事啊。
如是者又過咗半年。
「你呀爸搵你，你呀媽搵你...」我部手機突然間響。
「喂~搵邊位？」我部手機已經三年無接過屋企人以外嘅電話，毒到連廣告電話都無，所以我高度懷疑佢係打錯。
「喂，請問係咪小飯仔？」
「小...飯...仔...?er….呀係，呢個係我好耐之前嘅筆名！搵我咩事？」我load左一陣先有反應。
「呢度係銀星娛樂打嚟架，我哋公司嘅龍乘風老師睇完你之前send嚟嘅《富二代大戰狐狸精》之後覺得好好，希望開拍呢套電影，想請你嚟做幫手。」
「er…...我好似冇send 過劇本俾你哋喎......。」我無咩印象投過稿。
「er…...係呀，真係有啲唔好意思，因為老闆好忙，最近先有時間睇一年前你由女助手送嚟劇本。人工方面你唔洗擔心......」
「好，我做......仲會做得好好.....」我沉思左一陣就答。「因為我要做一個有用嘅人。」我望住左手講。
《全文完》
就係我跨左一隻腳出窗口嘅時候，穎淘突然現身，用左手拉住我。
「Hey,你搞乜要自殺呀咁癲呀～」穎淘一面無奈咁講。
「我想見你囉～」我傻傻地回答。
「自殺死會受罰架柒頭。你要係咁重跳直到你陽壽完嗰日。」佢煞有介事地說。
「就算會受罰，我都想同你一齊生活落去。」我學韓劇嘅男主角咁講。
「頂，你係咁重跳受罰我哋又點一齊呀？」佢語帶不滿。
「點解冇可能?愛情係無界限架！」我將係網上睇到嘅「金句」一字不漏咁講出嚟。
「你睇太多港女語錄定太多抖音呀?咁樣點會有可能架?」佢勃然大怒。
「我明嘅，係我FF多咗。我呢啲廢青係應該一世廢落去，爛屎係唔應該向上爬。」被人鬧到一面屁嘅我愈講愈細聲，啱啱先鼓起嘅勇氣又洩咗。
「又唔好咁諗啦，不如你諗下你嘅世界仲有咩係值得你做嘅，例如你平時得閒會做啲咩？或者你嘅興趣係咩？」穎淘見到我頭耷耷，顯然有啲唔好意思。
「我點會有呀，我廢青嚟架！」我反了一個白眼，擰轉頭，故作生氣咁大聲講。
「屌！」佢用左手一巴車落我塊臉。女人果然好難捉摸，嗰頭仲安慰緊你，呢頭突然發火，睇嚟拍拖真係唔岩我呢啲毒撚。
「無可能無，你咁大個總有少少成就，總有少少興趣。你同我即刻諗！」佢叉起條腰，對我怒目相向。
我呆咗一呆，沉思咗一陣之後望住牆角嗰一疊岩岩亞媽幫我揼嘅紙。
「都有嘅....咪...」當我轉身同佢講嘅時候，從眼角嘅餘影見到淘縱身由窗口跳咗出去。
我望住佢跳嘅位置，諗咗一陣，眼光變得十分深邃。哦～我明啦。
說時遲，那時快。一個消防員從上而下跌落嚟仲踢咗返我樓梯。同時，另一隊人亦衝過嚟㩒我落地。
「先生，冷靜啲，我地係嚟幫你嘅！」一眾消防員不斷重覆呢一句。
「OK，我明白啦，得啦！」我好沒氣地說。
原來對面樓嘅人見到我一個人坐係窗邊自言自語，以為我要跳樓，驚影響呢區樓價，所以嚇到即刻報警。世界真係瘋狂......
*******
「劉生，探病時間到啦！」護士係醫院嘅common area同老竇講。
「俾我坐多陣啦，車費好貴架。」老竇好唔情願。
「老竇，得啦，我唔會自殺㗎。嗰日我只喺係窗邊同fd傾電話咋，係啲業主係都要報警話我要自殺。」我求其搵個藉口安慰下佢。
「陰公囉，就係佢啦，冇女啫，唔洗自殺架，唉～ 」坐係對面啲八婆陰陰嘴笑。
「咁又唔係，三十歲人女朋友都無個，俾著我都跳樓啦。」
有幾個三姑六婆行過嗰時又係度笑。
「點解佢地會知架？」我o晒嘴，激動地捉住老竇衣領問。
老竇尷尬地把頭別去，遞左部電話俾我睇。
「唉，我無眼睇。」佢臉有難色，一字一頓地說。
「聖誕節無女友陪感困擾疑，毒撚後樓梯企跳一小時後獲救！」新聞上嘅標題重重咁打入我嘅腦，腦海頓時嗡嗡作響。
我深深地呼左一口氣。真係極度無奈，點解啲人可以寫得出咁尖酸刻薄嘅嘢？我得罪左佢地？真係癡線，咩都唔知就亂寫，不如去寫小說啦！
打發左老竇返屋企之後，我拖住內外皆疲憊嘅身體返房休息。
突然，一個勁似穎淘嘅女仔行過，我傻更更咁跟住佢行到小花園嗰度。
「先生，我哋識嘅？做咩眼金金咁望住我?」佢皺眉眉頭，狐疑地問。
就算嗰個係夢,我都繼續落去。
夢裡不知身是客,一响貪歡
「先生做咩係咁跟住我?我地識嘅？」
「無嘢啦，對唔住。我認錯人。」我塊臉好似飲左酒咁紅，仲講咗個超hea嘅藉口。
「你睇落好臉善喎，我地以前見過?」佢語出驚人。
「吓。」我一時間俾唔到反應。
「唔好意思，我自小身體就好差,成日住院。之前偷偷地出左去玩,結果暈左好耐。成日都分唔清夢境同現實。你叫Jimmy?」佢瞄左瞄花園中間嘅野餐檯，示意我哋全低傾。
「係呀。」真係莫名其妙，佢點知嘅？
「真係架?我叫Louisa，你好。」佢頓時心花怒放，嬌笑左一下。
「見你六神無主咁，不如我哋慢慢傾下?」佢話峰一轉。
於是我就將我同穎淘嘅事一五一十咁話晒比佢知。
「唔.......唔知你有冇聽過一句：『夢裡不知身是客，一晌貪歡。』」Louisa講嘢有抑揚頓挫，好似中文老師咁。
「我冇咩讀過書，唔識。」我苦笑。
「你嗰兩日嘅生活好似夢境咁，而你亦生活得好開心。」Louisa柔聲道。
「啱呀～」我對於有人明白我實在大喜過望。
「不過就算嗰段日子過得好開心，你都唔應該留係呢個夢境，我哋做人唔單止要勇敢跳出夢境，更加要有面對現實嘅勇氣。只有同人相處，你先會有友情，愛情同埋家人。呢啲嘢會令你愈來愈強。唔好收埋自己，出去識多啲人，做多啲自己鐘意做嘅事啦！趁有青春嘅時侯就去闖下，反正you have nothing to lose.Right？」Louisa突然語鋒一轉。
「嘩，好L深奧，俾啲時間我消化下先。」我揮手示意佢俾我思考下先。
「緣由呢啲嘢真係好神奇，常言道：『有緣千里能相識，無緣對面不相逢。』可能你哋真係有緣無份啦~」佢繼續拋書包，講一啲我聽唔明嘅古文。
「Louisa ，啱啱好返唔好就圍走，快啲過返嚟呢邊。」黑衫男突然係遠處出現。
「哎呀，呢啲又金毛，又黑，又矮又講晒粗口嘅唔係好人嚟㗎，以後唔準同呢啲人做朋友呀！」白衫男指住我，語帶鄙視咁講。
兩個管家樣嘅人行過嚟。
「Jimmy，我走先啦！拜拜。」Louisa對我回眸一笑。
「哦，拜拜。」我皺晒眉頭，繼續坐度發呆，思考佢講嘅嘢。
「兩位大哥，真係唔該晒你地呀～我OK啦！」Louisa搓一搓塊臉，個樣就變返做穎淘。
「現實嘅世界好殘酷，所以我想陪佢耐一啲，陪佢走過呢個人生低谷，偏偏呢個時候我就要去投胎，希望佢可以捱過呢個難關啦～」穎淘臉上盡是幸福嘅氣息。
兩位管家轉個身就變返做黑白無常。
「你喺陳小姐?你信道教㗎嘛?」黑無常一面不爽。
「喺呀，做咩呀！」穎淘傻更更咁答。
「哇屌，你咁Q多耶穌我仲以為我哋搶左人地生意tim，仲諗住搵返個天使嚟接你。」黑無常嬲嬲地咁講。
「哈！」穎淘無奈咁反白眼。
「行啦，望。」黑無常催佢行快啲。
「得啦，煩。」穎淘有啲唔耐煩。
「你估我哋想煩你架？你知唔知香港一日差唔多有126人死架~我哋好忙架。仲要我地東奔西跑，仲要做埋場膠戲，做鬼做到你咁，你好唔好意思呀？」黑無常愈講愈激動。
「喂~係，聯合醫院三個，天水圍一個，藍田四個，係係係，咩呀？北角嘅要著天使裝？妖，基督教嘅搵返耶穌啦，我哋唔可以撈過界架。」白無常嘅手機未停過，一直係度覆Call。
「唔知呀，我淨係知香港每日有150個新....」穎淘細細聲咁講。
「收嗲啦！再咁多嗲你就真係連地府都唔洗去。」黑無常喝道。
「好彩佢喝住你咋，如果唔係分分鐘我哋過多幾日連小薯仔都要接埋落嚟。」白無常終於傾完電話。
「超~我話每日有150個新生嬰兒呀～又唔係新移民湧港，你驚咩呀！死咗都咁驚死，廢嘅！」穎淘不甘示弱，提高聲量大聲講。
「拿拿拿，我咩都聽唔到!!!」黑無常即刻用手掩住耳仔。
「頂你，再講我們唔洗去奈何橋啦」白無常怒氣沖沖。
「吓，點解呀！」穎淘有啲錯愕。
「俾人捉晒去羅湖橋啦！傻婆！」白無常惶恐地說。
「嘩，原來地府都有洗頭艇，驚驚！」穎淘瞠目結舌。
佢地一行三鬼一路行一路罵交，嘈到落地府。
自從嗰件事之後我就比以前更毒，呢半年嚟宅係屋企打下機，睇下戲咁。老豆老母仲鬧我係紈絝子弟，不過算啦，橫掂我一直都俾人當係廢青，唔差在做埋廢中同廢老囉~樂觀啲諗，雖則我對社會無乜貢獻，但亦無咩破壞，都唔算壞事啊。
如是者又過咗半年。
「你呀爸搵你，你呀媽搵你...」我部手機突然間響。
「喂~搵邊位？」我部手機已經三年無接過屋企人以外嘅電話，毒到連廣告電話都無，所以我高度懷疑佢係打錯。
「喂，請問係咪小飯仔？」
「小...飯...仔...?er….呀係，呢個係我好耐之前嘅筆名！搵我咩事？」我load左一陣先有反應。
「呢度係銀星娛樂打嚟架，我哋公司嘅龍乘風老師睇完你之前send嚟嘅《富二代大戰狐狸精》之後覺得好好，希望開拍呢套電影，想請你嚟做幫手。」
「er…...我好似冇send 過劇本俾你哋喎......。」我無咩印象投過稿。
「er…...係呀，真係有啲唔好意思，因為老闆好忙，最近先有時間睇一年前你由女助手送嚟劇本。人工方面你唔洗擔心......」
「好，我做......仲會做得好好.....」我沉思左一陣就答。「因為我要做一個有用嘅人。」我望住左手講。
《全文完》
留言
發佈留言