《鬼叫我女友喺左手》

《鬼叫我女友喺左手》(1)

(本故事內容全屬虛構，如有雷同實屬不幸)

「品濤，睇下呢條女。」小成遞咗部手機俾我睇。 「哇，正喎。」我頓時眼前一亮。 「琴晚落pub 請左杯野俾佢就xxxxxxx，之後，去左九龍塘XXXX，跟住再上埋佢屋企XxxX，成晚X左X次，今朝攰到差啲落唔到樓，你呢?」小成愈講愈興奮。 「我咪係...陪..」我口窒窒。 「又陪亞媽?唔係呀嘛，你老母有你老豆陪啦～平安夜又匿係屋企打X?」小成大為驚訝。 「咩呀～我同我女友.....」我諗住兜下。 「得啦，識你咁耐仲唔知咩，又做魔法師呀嘛，明架啦。」小成有啲失望。 「咁鬼叫我女友係左手咩～」我反咗個白眼。 最後一句大家一定聽得多，而身為宇宙級毒撚同廢青嘅我對住啲人生勝利組亦成日講。 其實我都有女友架，不過仲未穩定咪唔講囉。而且我對XX嘅需求又唔大，咪唔XX囉。 個個都搞，唔通個個都想搞咩~ 講起我同佢識嘅經歷就相當戲劇性，唔講真係以為睇緊TVB。 十年前一次意外令我同一位重要嘅人完全失去聯絡(係呢個資訊發達嘅年代恐怕難以想像)。 當時我哋係同一間餐廳做，我做廚房，佢做waitress。雖然我一直都好鍾意佢，但當時卻無勇氣去同佢傾計，更加唔好講去flirt佢。然而，就係我終於鼓起勇氣準備約佢去街之際，內戰突然爆發，我只好跟隨家人撤退到大後方。係匆匆一別之際我只來得及拎佢嘅手機號碼。本來我哋都有keep 住Whatsapp，但無幾耐我嘅手機不幸因游水而溺斃，而佢嘅手機亦因離家出走而失聯。你問我點解唔係facebook 上搵佢?第一，佢去左一個用唔到facebook 嘅國家。第二，當時我好少用facebook 所以根本冇拎。 就係咁我哋完全失聯左十年。 呢十年對我嚟講簡直係一場災難，一生人最寶貴嘅十年青春竟然用咗係走難、走難，同不斷走難上面。我嘅學業、事業、人生規劃全部都無晒。當然，戰爭中受害嘅永遠都係我呢啲蟻民，對於上流社會嚟講，其實都係換枝國旗姐，真係有事咪移民囉，但我哋呢？我哋嘅一切因而無，要由零重新開始，但.....我真係無呢個心機啦。 今年內戰終於完咗，我哋一家亦都返左嚟。不過，我就由昔日充滿朝氣嘅少年，變成今日嘅廢青。終日無所事事，得閒就約下個老朋友出嚟食飯講下往事。 前幾日我同舊同事Justin係飯後重遊我哋曾經工作嘅餐廳。係嗰度我竟然重遇佢！ 係平安夜嗰日，我哋係一餐廳門口見到一個好熟面口嘅女仔係度做緊waitress。 「喂，佢係咪穎淘呀？」Justin講。 「咦，又好似係喎，不過殘左咁多嘅。」我望向佢指嘅方向。 「大佬，十年內戰呀，係人都老啦。」Justin反左個白眼。 我即刻望佢心口上個名牌：「Lily。」 「佢英文名係咪Lily？」我瞇起眼睛講。 「係掛~十年啦師傅，政府都換埋啦，換個英文名有幾出奇呀，得你仲用緊嗰個傻仔筆名小飯仔嚟寫小說啫，你都係時侯收手啦，再寫落去餓L死你呀......」Justin自顧自地說。 「咁點算呀......同唔同佢講嘢好？」我結結巴巴咁講。 「哇，你都幾長情架喎」佢拍住我膊頭講。 「唉。」我嘆左口氣。 「我哋入去坐，叫佢過嚟落單咪可以近啲睇囉，聰明。」Justin即刻拉左我入去。 「唔該，我想要一碟『一口小儀』」我即刻叫佢過嚟落單。 無錯，係佢啦，雖然殘左好多，但可以肯定係陳穎淘。然而，佢望左我哋一眼之後就冇再望我哋，唔知係我FF多左定咩，我硬係覺得佢係刻意唔望我哋嘅。因此，我決定嗌佢過嚟落多幾次單，等佢睇清楚我哋。 「喂，佢係認得出你但係唔想認你，定係佢根本忘記咗你？」Justin一路食第三碗意粉一路講。 「唔知呀，不如再嗌啦！」我有啲不知所措。 「又嗌？好啦，陪你癲下啦。幫我嗌個『露西法拼盤』。」Justin笑騎騎地說。 「唔該。」我趁佢行過嗰時嗌佢。 「先生，要咩？」穎淘粗聲粗氣，眼神不甚友善。。 「我.....我要一個.....。」我本來諗住望住佢可以令佢對我有啲印象，點知愈望愈緊張，心跳不斷加快，呼吸亦愈來愈急。 「小姐，我哋要一個『露西法拼盤』。唔該。」Justin即刻接上。 「哦，多謝。」穎淘冷淡依然。 「屌，你有無咁緊張呀？平時你好勇猛架！」Justin大笑。 點知係我哋一而再再三咁落單之後，佢都好似完全認唔出我地咁，而我又唔敢主動去問佢，只係係咁嗌佢嚟落單。直到我地嗌第15樣野嗰時，Justin講左句。 「Jimmy哥，咁落去唔係路喎，嗌到破產都唔掂。下一次都冇既就冇架啦。」 我望一望佢，見佢個樣啼笑皆非。 「唔該，寫野。」我再次鼓起勇氣。 「要咩架先生。」佢施施然咁行過嚟，仲好唔耐煩咁問。 「我想要多一個『大地之唇芝士蛋糕』」我鼓起勇氣，直眼望住佢講。 「哦！」陳穎淘冷淡地說。 「Game over。食完就撇lu。」Justin 攤開雙手笑住講。「屌，呢餐宵夜真係貴，成二千五蚊，仲要得個桔。」佢拎起張單講。 「收爹啦，係你拉我入嚟架。」我拎左一千蚊出嚟，好不屑咁講。 「頂，原本諗住睇你做馬騮戲㗎嘛，點知咁柒架姐。」Justin笑住講。 「爸爸聽電話，爸爸聽電話。」一陣手機鈴聲突然響起。Justin 用九秒九嘅速度去接電話。 「Sorry ar ，喺，我返緊嚟架，啱啱OT 呀嘛，係，我交咗電費啦，好啦 ！拜拜。」Justin啲演技咁好，唔去做戲真係晒左。 「喂jimmy 哥，我老婆急call ，走先！ 下次俾返錢你。」Justin 爬多兩啖飯準備走人。 「估唔到你仔都生埋喎。」我揶揄佢。 「唉，你估我想嘅咩。」Justin超級無奈。佢拿起紙巾抹嘴，準備走人。 「屌，你做環保戰士啫。」我大笑。 「邊有人中鍾意着住衫沖涼㗎師傅。」Justin 苦笑，跟住係銀包兩張五百蚊出嚟。 「挑，得啦呢餐我請。留返啲錢買奶粉啦。」我繼續低頭慢慢食，並揮揮手，叫佢快啲返屋企湊女。 「車，講呢啲！再約啦。bye~」Justin起身走人。 Justin走左冇幾耐我就去埋單。當我行到櫃台嗰時，突然有人勁大聲嗌我。 「Jimmy ，原來真係你！」 「你真係穎淘？」我有啲愕然。 「梗係啦，我哋好耐無見啦！」佢好興奮咁講，仲成個人飛撲埋嚟。 「你......點解而家先同我講嘢嘅....」我成肚都係問號，但係未講完就比佢打斷。 「我而家好忙呀，不如我哋一陣食宵夜慢慢傾啦！」佢講完轉身就走。 「好，就以前食宵夜嗰間英記油渣麵等啦。」我興奮地說。 「嗯嗯，不見不散。」佢一路收另一張檯一路講。 約食宵夜：醉翁之意當然不在酒啦，我仲搵定唔少可以去happy 嘅地方準備下場。 可惜，嗰晚佢竟然放我飛機。我成個白癡仔咁係餐廳坐咗一晚，直到人哋朝早收鋪先走。到底佢諗緊啲咩？如果唔想認我點解又要係我埋單嗰時嗌我？如果想認我點解又要放我飛機？我帶住成肚嘅疑問返屋企。 第二晚，我又傻更更咁行返去慈雲山。可能我太得閒，可能我太毒，可能我太鍾意FF ，可能....其實我都唔知點解我會咁做。 「Jimmy！」穎淘大聲道，佢企係對面馬路一條巷嘅入口。我俾佢嚇咗一嚇，同時好多路人都望咗過嚟。 「穎淘你搞乜呀？你琴日做咩放我飛機？」我大嗌。 「過嚟先啦！」佢好似聽唔到我問乜。 我急急腳行過去。當我諗住質問佢嗰時佢竟然一手拉我行入內巷，一個一啲光都無嘅位。 佢突然轉身撲上我身上，係咁咀我，完全唔俾機會我講嘢。 「我知你想問我琴日做咩放你飛機，不過我知你唔嬲嘅。如果唔係，你今晚都唔會嚟啦！」佢雙手抱我腰，不斷用身體上下磨我，，抬頭含情蜜蜜咁望著我，臉上更泛起了一片紅，嬌聲道。 「Holy shit ，到底發生咩事？」我完全反應唔到，一頭霧水，個腦嗡嗡作響。 可能我係魔法師嘅關係，我好快就俾佢搞到好high，俾性慾衝昏咗頭腦。 於是，我好大膽咁去除埋佢件衫...... 「呢道咁污糟，你唔係諗住係度搞掛？」佢停突然停低所有動作，仲褪(tun)後咗兩步。 「咁......你係咪唔鍾意呀......對唔住呀。」我一時間唔識反應，只好係咁道歉。 「哈，果然係魔法師，咁不如咁啦。」佢吱一聲咁笑出咗出聲，跟住解開我條皮帶，伸咗隻左手入去幫我......。 「我幫你打XXXXX啦～琴晚嘅事你唔會嬲我架可？」穎淘大發嬌嗔，對眼變得好淫。 我伸兩隻手仕去佢件衫裡面，開始搓佢XXXXXX。對於零經驗嘅我嚟講巳經好high。 當我爽完第一次，準備帶佢去酒店嗰時。 「等等，夠鐘啦！」佢突然停手，表情變得好認真。 「夠鐘？咁可唔可以加鐘呀?」我放開佢，一面不爽咁係銀包拎左張金牛出嚟。 「你諗乜嘢呀咸濕佬～你當我雞呀～」佢勁大力咁拍落我個心口，笑笑口咁講。 「咁你話啦，你做咩話夠鐘呀？」我有啲不滿。 「唔好好嘟嘴啦~今日係平！安！夜！呀！，我呢啲唔信耶穌嘅鬼要迴避下，費事比啲聖誕歌攻死。得閒飲茶啦！」佢講完就揮手講拜拜。 「鬼？」我大叫。 「係呀，我係鬼呀。」講完就消失左。我望住嗰一縷絲煙呆咗成十秒先識扣返好皮帶。 頂，竟然有隻鬼幫我打X。不過好彩係女鬼，唔係仲大鑊。 唉，搞左咁耐，最後又要食自己。我勁頹咁返屋企，仲買一盒毒撚最鐘意食既豆腐火腩飯，聽住首lonely Christmas，一路上child登一路食。 呢個時候手機震左一下：family wts group 有msg 。頂，係老豆老母係尖沙咀海旁攬到實一實嘅合照、仲有阿哥細妹各自放閃嘅相。 頂，你地係ig放閃咪夠囉，點解要入侵埋我部手機？ Whatsapp： 「亞仔，聖誕不要再lonely la，明年要帶女友回家，蝦蝦。」 「細路，幾時到你呀？」 「阿哥，唔好同左手拍拖啦，快啲出去搵女仔啦。」 「兒子，大哥同細妹都有著落啦，點解你還沒有？」 屌，係咪連老豆老母阿哥細妹都要寸我? 想我聖誕約女呀嘛？寸柒我呀啦！我就約俾你班仆街睇。 「穎淘我嚟搵你啦！」我行去後樓梯，推開個鐵窗花，望咗隻左手一眼之後準備一嘢跳落街。 你問我點解要一定自殺?鬼叫我女友係左手咩~ (撒瑪利亞防止自殺熱線：23892222) (待續)